Президент Қасым-Жомарт Тоқаевтың Ұлттық құрылтайда театрлар, әсіресе аймақтық театрларды дамыту қажеттігін атап өтуі – өте өзекті әрі дер кезінде көтерілген мәселе деп санаймын.
Біздің Лермонтов атындағы Ұлттық орыс драма театры әрдайым мемлекеттің қамқорлығын сезініп келеді. Тәуелсіздіктің алғашқы жылдары, экономикалық қиындықтар кезеңінде де биліктің қолдауынсыз театрдың жұмысын жалғастыру – аса күрделі міндет болар еді. Сондықтан да театрға "Ұлттық" мәртебесінің берілуі біз үшін үлкен серпіліс болды. Бұл шешім әртістеріміздің әлеуметтік жағдайына оң әсер етіп, лайықты, бәсекеге қабілетті жалақы алуларына мүмкіндік берді.
Соңғы бір жылдың ішінде труппамыздың екі жетекші әртісі "Қазақстанның халық әртісі", бір әртісі "Қазақстанның еңбек сіңірген қайраткері" атағына ие болды. Бұл – ұжым еңбегінің әділ бағалануы.
Мемлекет басшылығына көрсетілген қолдау үшін алғысымды білдіре отырып, болашақта, әсіресе гастрольдік сапарлар бағытында, бұл қолдау жалғасын табарына сенемін.