"Алматы Тазалық" МКК бас маманы Ербол Байжанов алматылықтарға коммуналдық қызметкерлердің жұмысына түсіністікпен қарауды сұрады, деп хабарлайды aqshamnews.kz
Ербол Байжанов, “Алматы Тазалық” мекемесінің бас маманы:
— 7-сінен 8-іне қараған түнгі сағат 12:00-ден бастап қар жауды. Таңғы 4:30-дан бастап көшелерді тазалау басталды. Ауа-райына байланысты жолдарға тұзбен араласқан құм себілді. Қазір жолдың бәрі ашық, тек жаяу жүргіншілер жолдары мен аялдамалар тазаланып жатыр. Қар шығару жұмыстарын әрі қарай жалғастырамыз. Бірақ мекемелердің алдында тұрған көліктер тазалау жұмыстарына кедергі келтіреді. Сондықтан тазалау жұмыстары кезінде тұрғындардан көліктерін ала тұруды өтінеміз, - деді “Алматы тазалық” мекемесінің бас маманы.