Қазақстандық эстрада әншісі Абай Бегей мен оның жұбайы Фариза Бегей қуанышты жаңалықпен бөлісті, деп хабарлайды aqshamnews.kz тілшісі.
2026 жылғы 26 наурызда олардың отбасында тағы бір сәби дүниеге келді: жұп қызды болды.
Бұл жағымды хабарды ерлі-зайыптылар Instagram желісіндегі ортақ жарияланым арқылы жеткізді. 51 жастағы өнер иесі сегізінші рет әке атанғанын айтты. Оның сөзінше, жаңа туған нәресте отбасындағы бесінші қыз бала.
Жанкүйерлер «Аспанға қараймын» әнінің орындаушысын және оның жұбайын құттықтап, анасы мен сәбиге зор денсаулық тілеп, отбасына деген қуаныштарын білдірді.