Мақсатқа жету үшін жігер керек
Әлемнің екінші ұстазы Әбу Насыр әл-Фараби бабамыз «Талпыныс тәжі – табандылық» депті. Бүгінгі заманға дәп айтылған тәмсіл деп түсінеміз. Өйткені, қарбалас, бірінен екіншісі басып озып бара жатқан заманда адамға ең қажетті қасиет осы болып тұр.
Жігерлілік жасыңда күштірек байқалады. Жастар - жігер-күштің иесі. Олар үнемі бастамашыл, тәуекелшіл келеді. Бұрынырақта үлкендер жағы «жас кезде адам батыр болады» дейтін. Соның терең мағыналық астары бар. Дүние жүзіне танымал Aliexpress корпарациясының иесі Джек Ма 38 рет тәуекелден құлапты. Бірақ сағы сынбады. Идеяларын қайта жандандырды. Нәтижесінде баршаға танымал ауқатты адам болды. Қаржы секторында Азия төңірегінде оның алдын орап тұрған адам жоқтың қасы. Мұның бәрі табандылық.
Біздер бірнеше мәрте бай адамдар туралы айттық. Соның бірі - Илон Маск. Tesla айтсақ, оны білмейтіндер некен-саяқ. Жерді былай қойып, Марсқа тіршілік орнатпақшы. Осының бәрі ізденімпаздықтың арқасы. Ал олардың жас кезінде күніне бірнеше доллар ақшаға күн көргенін бүгіндері біреу білсе, біреу білмейді. Еңбек етті, қатты талпынды. Мақсаттарына жетті.
Түйін. Халқымыз әр уақытта «Талпынған жетер мұратқа» деп текке айтпаған. Жастар қайратты күшін нәтижелі мұратқа жұмсар болса, биікті бағындырары сөзсіз.