«Талибан» қозғалысының өкілі Муджахид Қытайды қозғалыстың басты серіктесі деп мәлімдеді.
«Талибан» қозғалысы Қытайды өзінің басты шетелдік серіктестігі ретінде қабылдайды. Бұл туралы қозғалыстың өкілі Забиулла Муджахид айтты, деп хабарлайды Almaty-akshamy.kz Lenta.ru cілтеме жасап.
«Қытай (...) бізге негізгі және айрықша мүмкіндік береді, себебі ол біздің елге инвестиция салуға дайын», - деді Талибан өкілі. Оның айтуынша, ҚХР соғыстан кейін Ауғанстанды қалпына келтіруде жауынгерлерге көмек көрсетеді.
Террорист Қытайдың «Бір белдеу - бір жол» экономикалық жобасын жоғары бағалап, осылайша Бейжіңнің «Ежелгі Жібек жолын» жандандырып жатқанын атап өтті. Мужахид «Талибан» қозғалысы Ауғанстанның тау-кен өнеркәсібін қалпына келтіруде Бейжіңнің көмегіне сенетінін жеткізді.
Ол Ауғанстанның мыс кеніштеріне ерекше назар аударды, «қытайлықтардың арқасында бұл кеніш орындары қайта жанданып, модернизациядан өтуі мүмкін». Өз сөзін қортындылай келе, Муджахид Қытай Халық Республикасы Кабул үшін «әлемнің бар нарығына» жол ашатын мүмкіндік деп бағалады.
Бұған дейін «Талибан» қозғалысы Қытаймен болашақтағы ынтымақтастық туралы айтқан және Ауғанстанды қалпына келтіру үрдісіне Түркия мемлекетін қосқысы келетінін мәлімдеген болатын. Тәлібтер Анкарадан денсаулық сақтау, білім, экономика, құрылыс және энергетика сияқты бірқатар салаларды дамытуда көмек алғысы келетінін баса айтты.