Қазақстандық турист Италияда Помпей археологиялық саябағында Цейлер үйіндегі қабырғаға ALI деп есімін жазған.
Археологиялық саябақ директоры қазақстандық айыппұл төлеумен қатар үйдің қабырғасын қалыпқа келтіруге мәжбүр болатынын мәлімдеді, деп хабарлайды Almaty-akshamy.kz.
«Yeni Şafak» басылымының мәліметінше, әзірге шығын көлемі нақты аталған жоқ, ол техникалық сараптамадан соң анықталады.
Бұл үй самнит кезеңіне, яғни біздің заманымызға дейін ІІ ғасырға жататыны дәлелденген.
Бұл қазақстандық туристер тарапынан шетелде болған тәртіп бұзушылықтың бүгінге екінші оқиғасы. Бұған дейін 13 қазақстандық туристің кесірінен Грекияда орман өрті шыққанын хабарлаған болатынбыз.