Сот қаулысы әлі заңды күшіне енген жоқ.
Алматы облысында судьяны жемқор деп атаған ер адам темір торға тоғытылатын болды, деп хабарлайды aqshamnews.kz
Қонаев қаласының Әкімшілік құқық бұзушылықтар жөніндегі мамандандырылған ауданаралық сотында судьяны құрметтемеу фактісі бойынша қозғалған іс қаралды.
Судьяға айып таққан Қ. жер учаскесін босату (заңсыз құрылыстарды бұзу) туралы алдындағы азаматтық іс бойынша жауапкер болған. Сотта құқық бұзушы кінәсін мойындамады және ескертумен шектелуді сұрады.
Құқық бұзушылық фактісі әкімшілік құқық бұзушылық туралы хаттамамен, бейнежазбамен және басқа да дәлелдемелермен расталды.
Сотта ер адам ҚР ӘҚБтК-нің 653-бабының 1-бөлігі бойынша кінәлі деп танылып, оған 5 тәулікке қамауға алу жазасы тағайындалды.