Қызылорда облысы, Жалағаш ауданында биыл күріш 1300 гектарға аз егілетін болды.
Мамандар Сырдария өзенінің деңгейі биыл да төмен болады деп болжайды, деп хабарлайды Almaty-akshamy.kz.
Алайда, өнімділік былтырғыдан кем болмайды деп отыр. Суды көп қажет етпейтін дақылдар көлемін арттыру жоспары бар. 500 гектар жерге бақша дақылдары егіледі. Ал күріштен босаған жерге жаздық, күздік бидай, соя мен қант құмайы себіледі. Алқаптарды суаруға арналған каналдарға заманауи есептеу құрылғылары орнатылып жатыр. Былтыр бұл тәжіребие оң нәтиже берді -дейді мамандар.
«Мақпалкөл ауылында суды үнемдеу технологиясын бастадық, соны өзіміздің шаруашылықтарға тәжіребиеге алып келуге биыл да жұмыс жасап жатырмыз. Былтыр біз 70 гектар жерге қант құмайын тәжіребиелік мақсатта еккен болсақ, биыл соның 20 гектарға көбейтіп, яғни 90 гектарға ұлғайту. Одан бөлек соя дақылын биыл 64 гектарға орналастыруды жоспарлап отырмыз», - дейді Жалағаш ауданы әкімінің орынбасары Әліби Байнахатов.