«Азаматтарға арналған Үкімет» мемлекеттік корпорациясының қазіргі қаржыландыру тапшылығы 17 млрд теңгеге жеткен, деп хабарлайды aqshamnews.kz
Цифрлық даму министрі Жаслан Мәдиевтің мәліметінше, бұл тапшылық корпорацияның фронт-офистерін (ЦОН) ұстауға кететін жылдық шығындардың 21,2 млрд теңгеге жетуіне байланысты туындап отыр.
Қазіргі уақытта ЦОН-дарда 6067 штаттық бірлік жұмыс істейді, олар еліміз бойынша 334 фронт-офисте қызмет көрсетеді.
Министрдің айтуынша, егер ЦОН-дар демалыс күндері де жұмыс істейтін болса, қосымша 3,2 млрд теңге қажет болады.