Екі адамның өліміне әкелген жол апатына байланысты айыпталған аралас жекпе-жек шебері Шавкат Рахмоновтың әйеліне сот үкімі шықты, – деп хабарлайды aqshamnews.kz тілшісі.
Іс материалдарына сәйкес, жол-көлік оқиғасы 27 шілдеде «Алматы – Екатеринбург» тас жолында болған. Сот дерегінше, жүргізуші шаршаған күйде көлік тізгініне отырып, жол ережесін бұзған. Соның салдарынан көлік қарсы жолаққа шығып кетіп, кейін аударылған.
Апат кезінде сотталушының досы мен әпкесі қаза тапқан. Өзі ауруханаға жеткізілген. Сот барысында ол кінәсін мойындамаған.
Сот үкімімен айыпталушы 5 жылға бас бостандығынан айырылып, 7 жылға көлік жүргізу құқығынан айырылды. Алайда 2 мен 9 жас аралығындағы төрт баласының болуына байланысты жаза өтеу мерзімі 5 жылға кейінге шегерілді.