Қазақстандық аралас жекпе-жек шебері Шавкат Рахмонов (19-0) UFC рейтингінде жартылай орта салмақта ресми түрде екінші орынға көтерілді, деп хабарлайды aqshamnews.kz
Бұл жаңалық UFC жанкүйерлері мен қазақстандық спорт сүйер қауым үшін маңызды оқиға болды.
Шавкат Рахмонов ирландиялық Иэн Гэрриді (15-1) жеңгеннен кейін, үшіншіден екінші орынға жоғарылады. Бұрын екінші орынға ие болған Камару Усман (20-4) рейтингте бір сатыға төмен түсіп, үшінші орынға орналасқан. Иэн Гэрри болса жетінші орнын сақтап қалды.
Қазіргі таңда жартылай орта салмақта UFC рейтингінің көшін британдық Леон Эдвардс (22-4) бастап тұр. Ал UFC чемпиондық белбеуі Белал Мұхаммадтың (24-3) еншісінде. Белал Мұхаммад Шавкат Рахмоновпен UFC 310 турнирінде кездесуі тиіс болған, бірақ жарақатына байланысты осы жекпе-жектен бас тартқан еді.
UFC президенті Дана Уайт бұл аса маңызды жекпе-жекті келер жылы ұйымдастыруға ниетті екенін хабарлады, ал Шавкат Рахмоновтың карьерасы жаңа белестерге жетіп, әлемдік аренада өз орнын нығайтуда.