МКК Салықтық әкімшілендіру кезінде жасанды интеллектті қолданудың халықаралық тәжірбиесі зерттелуде
ҚР ҚМ Мемлекеттік кірістер комитеті Мемлекет басшысының 2024 жылғы 7 ақпандағы ҚР Үкіметінің кеңейтілген отырысында берген тапсырмасын орындау үшін салықтық әкімшілендіруде жасанды интеллект технологияларын енгізу бөлігі бойынша жұмыс жүргізуде, деп хабарлайды aqshamnews.kz.
Электрондық шот-фактуралар, кедендік декларациялар сияқты үлкен дерекқорларда жасанды интеллектті қолдану мәселесі қарастырылуда. ҚМ МКК-нің қызметкерлері "салық салу мақсатында жасанды интеллект" халықаралық вебинарына қатысты. Еуропа ішіндегі салық әкімшіліктерінің ұйымы (IOTA) ұйымдастырған бұл кездесуге IOTA-ға мүше елдердің салық қызметтерінен 260 қатысушы қатысты.
IOTA-ның негізгі қызметі мүше елдерге салықтық әкімшілендірудің практикалық аспектілеріне қатысты тәжірибелер мен озық тәжірибелермен алмасу үшін платформасын ұсынуға бағытталған. Вебинарда Ұлыбритания, Греция, Венгрия салық қызметтерінің баяндамалары таныстырылды. Өз баяндамасында сөз сөйлеушілер салықтық әкімшілендіруде жасанды интеллектті қолдану тәжірибесімен және оны енгізу кезіндегі проблемалармен бөлісті.
Қазіргі уақытта әлемнің салық әкімшіліктері салық салуда жасанды интеллектті енгізу мәселесін зерттеудің бастапқы кезеңінде тұр. Сарапшылар күнделікті мониторингті ауыстыру тұрғысынан жасанды интеллектті қолдану перспективасы бар деп санайды.
Анықтама: IOTA (Intra-European Organisation of Tax Administrations) - Еуропаішілік салық әкімшіліктерінің ұйымы 44 елдің салық қызметтері мүше болып табылатын, салықтық ынтымақтастық саласындағы маңызды халықаралық ұйым болып табылады. Қазақстан Республикасы 2012 жылдан бастап осы ұйымның толыққанды мүшесі болып табылады.