Биыл Алматыда сайлау жоспарланбағанына қарамастан, сайлау процесіне қатысушыларды каскадтық әдіспен электоралдық оқыту жалғасуда. Мәселен, Жетісу ауданында «Республика мәслихаттарының депутаттарын сайлау» тақырыбында кезекті семинар өтті, деп хабарлайды Аqshamnews.kz.
Семинар барысында Жетісу ауданының аумақтық сайлау комиссиясының мүшелері өз тәжірибелерімен бөлісіп, кешенді тестілеу және практикалық сабақтар өткізді. Сондай-ақ, сайлау кезінде туындаған жағдайлар бойынша кейстерді жан-жақты талқылады.
Жүргізіліп жатқан шаралар сайлау комиссияларының құқықтық сауаттылығы мен жұмысының тиімділігін арттыруға бағытталған. Ағымдағы жылы аумақтық комиссиялар 1600 мыңнан астам адамды қамтитын түрлі деңгейдегі 21-ден астам оқыту және ақпараттық-түсіндіру іс-шараларын жоспарлап отыр. Бірінші жартыжылдықтың қорытындысы бойынша 994 іс-шара өткізіліп, оған 16 мыңнан астам адам қатысты.
Алматы қаласының аумақтық сайлау комиссиясы сайлаушылардың құқықтық мәдениеті мен электоралдық белсенділігін арттырудың екінші жарты жылдыққа арналған «Жол картасын» бекітті. Бұл сайлауды ұйымдастырушыларды және сайлау процесіне қатысушыларды оқытудың жоспарын өз ішіне қамтиды. Ақпараттық-түсіндіру комикстері мен бейнероликтер сериясын әзірлеуден бастап, сайлау комиссиялары қызметінің түрлі бағыттары бойынша әдістемелік ұсынымдар әзірлеуге дейін әртүрлі деңгейдегі 70-тен астам іс-шара өткізу жоспарлануда. Алматы қаласының жас сайлаушылар клубын құру, жас сайлаушылар қатарынан белсенділер пулын қалыптастыру жоспарланып отырғанын ерекше атап өткен жөн, – дейді Алматы қаласы сайлау комиссиясының төрайымы Айгүл Қалықова.