2025 жылдың 5 қаңтарында Атырау облысының полициясы Ресейдің Ішкі істер министрлігінен Қазақстанның ІІМ-не "гармала" өсімдігінің заңсыз айналымына қатысты ескерту жолданғаны туралы мәлімдеді, деп хабарлайды aqshamnews.kz
"Ресей Федерациясының Ішкі істер министрлігі Қазақстан азаматтарының Ресейге кірген кезде психотроптық алкалоидтар бар "гармала" өсімдігінің заңсыз айналымы үшін қылмыстық және әкімшілік жауапкершілікке тартылатынын ескерту мақсатында ескертпе хат жолдады," – делінген Атырау облысы полиция департаментінің хабарламасында.
Қазақстанда бұл өсімдік адыраспан атауымен танымал. Ресейде ол құрамындағы психотроптық заттарға байланысты тыйым салынған өсімдіктер тізіміне енгізілген.
2024 жылдың жазында Қазақстанның Бас прокуратурасы осы тыйымға байланысты азаматтарға ескерту жасаған болатын. Адыраспан Қазақстанда дәстүрлі медицинада кеңінен қолданылғанымен, Ресейде бұл өсімдік заңды шектеулерге ұшырап отыр.