Бүгін елорда уақыты бойынша таңғы сағат 7.00-ден бастап дауыс беру басталды.
Сайлау учаскелері 20:00-де жабылады, деп хабарлайды Almaty-akshamy.kz
Референдумға 18 жасқа толған қазақстандықтар қатыса алады. Жалпы тізімге 11,7 миллион адам енгізілді. Сот әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында жүрген азаматтардың дауыс беруге құқығы жоқ.
Түзетулер қабылданса, Қазақстан Конституциясы алтыншы рет өзгертілмек. Ата заңымыз 1995 жылы 30 тамызда қабылданды. 1998, 2007, 2011, 2017 және 2019 жылдары Конституцияға өзгерістер мен толықтырулар енгізілді. Барлығы 93 түзету енгізілген.