Корольдік клубтың басты жұлдыздарының бірі Килиан Мбаппе Чемпиондар Лигасының "Аталантаға" қарсы өткен ойынында жамбасынан жарақат алды.
"Реалдың" баспасөз қызметі француз шабуылшысының жарақатын растап, дәрігерлердің қорытындысына сәйкес, ойыншының сол жамбасы зақымдалғанын мәлімдеді.
Мбаппеге толықтай қалпына келу үшін шамамен 10 күн қажет. Осыған байланысты, ол 14 желтоқсанда өтетін Ла Лиганың "Райо Вальеканоға" қарсы кездесуіне қатыса алмауы мүмкін.
Сонымен қатар, "Реал" шабуылшысы 18 желтоқсанда өтетін ФИФА-ның Құрлықаралық кубогының финалында да алаңға шықпауы ықтимал.