Жас таланттардың байқауы ұйымдастырылды
2022 жылдың 25-27 сәуір аралығында Т.Қ. Жүргенов атындағы Қазақ ұлттық өнер академиясында «Qyzğaldaq-2022» ІІ Халықаралық студенттік конкурс-пленэрі өтті, деп хабарлайды Almaty-akshamy.kz
Жас таланттар байқауын академия галереясы және «Көркемсурет» кафедрасы ұйымдастырды.
Байқауға «Кескіндеме» бағыты бойынша (бейнелеу өнері, дизайн және қолданбалы өнер саласы) Қазақстан және өзге елдердегі жоғары оқу орындарының студенттері шақырылды.
Қазақстан, Оңтүстік Корея, Өзбекстан, Қырғызстан елдерінің онға жуық университетінен 20-дан аса студент өнер бәйгесінде бағын сынады.
26 сәуір күні конкурс-пленэр қатысушылары «Шарын» шатқалына саяхат жасап, табиғат көрінісінен этюд жазды.
Ал 27 сәуірде Алматы қаласының тарихи, мәдени орындарымен, көрікті жерлерімен танысып, шаһарды аралады.
Сондай-ақ осы күні байқау жеңімпаздары мен номинация иегерлері анықталып, жабылу салтанатында марапатталды.
Конкурстық комиссия құрамында Т.Қ. Жүргенов атындағы ҚазҰӨА-сының профессор-оқытушылары, Қазақстанның белгілі суретшілері және шетелдік суретші мамандар болды.
Комиссия мүшелерінің шешімі бойынша жеңімпаздар мен арнайы номинация иегерлері:
Бас жүлде (Гран-При) дипломы – Арыков Дыйканбек (Тұрғынбай Садыков атындағы Ұлттық өнер академиясы, Қырғызстан Республикасы)
І дәрежелі диплом – Смагулова Жанель (Қазақ ұлттық өнер университеті «Шабыт»)
ІІ дәрежелі диплом – Омуркулов Баяман (Тұрғынбай Садыков атындағы Ұлттық өнер академиясы, Қырғызстан Республикасы)
ІІІ дәрежелі диплом – Сқақова Ақерке (Темірбек Жүргенов атындағы Қазақ Ұлттық өнер академиясы)
«Ең үздік композициялық шешім» – Хан Санг (Оңтүстік Корея, Чунгнам Ұлттық университеті)
«Ең үздік колористік шешім» – Еркін Қайнар (Абай атындағы Қазақ ұлттық педагогикалық университеті, «Өнер, мәдениет және спорт» институты)
«Ең үздік табиғат көрінісі» – Атанбаев Әлім (Темірбек Жүргенов атындағы Қазақ Ұлттық өнер академиясы)
«Көрермен көзайымы» - Мәдіберген Нұрдәулет (Темірбек Қараұлы Жүргенов атындағы Қазақ Ұлттық өнер академиясы)