Қытайдың Шыңжаң ұйғыр автономдық ауданында тағы да жер сілкінісі болды. Бұл жолы жерасты дүмпулері Куча қаласының маңында тіркелді. Бұл туралы Aqshamnews.kz сайты хабарлайды.
Қытайдың сейсмологиялық орталығының мәліметінше, зілзала бір күн ішінде екі рет қайталанған. Жерасты дүмпулері 10 шақырым тереңдікте орын алған, ал оның магнитудасы 5 баллға дейін жеткен. Жер сілкінісінің дүмпуі елдің солтүстік-батысындағы бірнеше қалада айқын сезілген.
Қазіргі уақытта табиғи апат аймағына Төтенше жағдайлар қызметінің мамандары мен жедел құтқару жасақтары жіберілді. Олар апаттың салдарын анықтап, қажетті құтқару және көмек көрсету жұмыстарын жүргізуде.
Зардап шеккендер мен жарақат алғандар туралы ресми ақпарат әзірге жарияланған жоқ. Жергілікті билік пен құтқару қызметтері жағдайды бақылауда ұстап отыр.