Ысырапшылдықпен күрес мақсатында Жоғарғы Кеңес киітке, құдалық пен марқұмға ас беруге тыйым салмақ, деп хабарлайды aqshamnews.kz
Қырғыз депутаттарының айтуынша бұрын тойлар мен жерлеу рәсімдері халықтың батасын алу үшін өткізілсе, қазір олар бәсекелестікке ұласып кеткен.
Заң жобасына сай, үш пен жеті күндік, қырық күн мен жылдық ас беруге болмайды. Ал үйлену тойы бір ірі қара мал сойып, 250 адамнан аспайтын қатысушымен өткізілуі керек. Қыз ұзатуға бір ірі қара мал сойып, шақырылатын қонақ саны 100 адамнан аспауы шарт.
Аталмыш салт-жоралғылар кезінде құдалық жасауға, киіт кигізуге тыйым салынбақ. Заң талаптарын бұзған азаматтарға 300 мың сом айыппұл салынуы мүмкін, бұл шамамен 1,5 млн теңге. Кафе мен мейрамхана иелері 591 мың теңге айыппұл төлейді.