Елдің мәдениет саласына ұзақ жыл еңбек сіңірген өнер майталманы, Қазақ ССР-інің еңбек сіңірген артисі, «Құрмет» орденінің иегері, Мемлекеттік академиялық қуыршақ театрының ардагер актрисасы Сабила Абуева Құрылтай сайлауында дауыс берді, – деп хабарлайды aqshamnews.kz тілшісі.
Сабила Абуева №298 сайлау учаскесіне барып, елдің қоғамдық-саяси өміріндегі маңызды науқанға қатысып, таңдау жасады.
Актриса азаматтардың сайлау науқанына белсенді атасалысуы қоғамның болашағын айқындауда маңызды рөл атқаратынын атап өтті. Оның айтуынша, әсіресе жас буын ел өміріндегі өзгерістерге бей-жай қарамай, азаматтық жауапкершілігін сезінуі қажет.
«Бүгін Құрылтай сайлауына қатысып, таңдау жасадым. Әр азаматтың дауысы – елдің болашағына қосқан үлесі. Бұл күн де Қазақстан тарихындағы маңызды белестердің бірі болады деп сенемін. Еліміз аман, жұртымыз тыныш болсын!», – деді Сабила Абуева.