Сақтандыру төлемдерінің сомасы 729 млн теңге құрайды.
Қазақстанның солтүстік аймақтарындағы ылғал жетіспеушілігі салдарынан зардап көрген шаруалар сақтандыру төлемдерін алып жатыр, деп хабарлады Almaty-akshamy.kz.
Ауыл шаруашылығы саласындағы мамандардың айтуынша, ұзаққа созылған құрғақшылықтың салдарынан егістік алқаптары айтарлықтай зардап шекті.
«Құрғақшылық фактілері Qoldau.kz сайтында Agroinsurance жүйесімен спутниктік деректер негізінде автоматты түрде тіркеледі. Осылайша сақтандыру жағдайлары тіркеліп, сақтандыру келісімшартына отырған фермерлер сақтандыру төлемдерін алып жатыр»,– делінген Ауыл шаруашылығы министрлігінің баспасөз қызметінің хабарламасында.
Қазақстандық шаруалар төлемдерді үш фаза бойынша алған. Жалпы, үш фаза бойынша сақтандыру төлемдерінің сомасы 729 млн теңге құраған. Бұл сома фермерлердің сақтандыру полистеріне жұмсаған шығындарын 565,5 миллион теңгеге асқан (729 мың теңге – 159,5 млн теңге).
Ресми мәлімет бойынша, ағымдағы жылы сақтандыру компаниялары топырақ ылғалдылығы тапшылығының индексті сақтандыру бойынша жасалған 100 келісімшарт аясында жеті облыста және елордада 121,3 мың га аумақты сақтандырлған. Бұл келісімшарттар бойынша сақтандыру сыйлықақыларының көлемі 319 миллион теңгені құраған, оның 159,5 миллион теңгесін фермерлер төлеген, ал 159,5 теңгені ауыл шаруашылығын сақтандыру саласындағы оператор болып табылатын Ауыл шаруашылығын қаржылай қолдау қоры төлеген.