Ол музей қызметкерлерінің қатысуымен жыл сайын өтеді.
«Көктем нұры» атты көрмесі ашылады. Ол 18 мамыр – Дүниежүзілік музей күніне арналады. Экспозицияда 180-нен астам жұмыс ұсынылады. Бұл кескіндеме, графика, сәндік-қолданбалы өнер туындылары. Аталмыш көрмеге 33 суретші қатысуда, деп хабарлайды Almaty-akshamy.kz.
Олардың қатарында Еркін Нұразхан, Анжелика және Венера Уразбековалар, Гүлжан Қалдыбаева, Гүлшат Қожамжарова, Ғалым Оспанов, Аида Елеуова, Бегайым Қасымбекова, Гүлнар Жұбаниязова, Наталия Баженова, Айсұлу Үсентаева, Вячеслав Цейтлин, Алма Қайранбаева, Бахтияр Ділдәбеков, Гүлнұр Жұбанова және т.б. бар.
“Әр суретшінің өзіндік стилі, техникасы және сүйікті материалдары бар. Суретшілерді еліміздің шексіз алуан түстері мен табиғи пейзаждары қызықтырады. Пленэр жұмыстары мәнерлі және кәсіби деңгейде орындалған. Көрерменнің көз алдынан қаланың және Алматының маңындағы елді мекендердің танымал жерлері мен мүлде бейтаныс пейзаждар пайда болып, әсем Отанымыздың басқа да аймақтарының сұлулығын асқақтатады”, - дейді өнердің өкілі Наталия Баженова.
Көрмені 15 маусымға дейін тамашалауға болады.