Осыдан бірер күн бұрын Орталық мешіт маңындағы көшеде намаз оқуға жиналған жамағат жолда кептеліс тудырған еді.
Әлеуметтік желіде тараған кадрдан тіпті олардың артында жедел жәрдем көлігі өте алмай тұрғаны да көрінді. Көп ұзамай полиция тексеру басталғанын мәлімдеген. Ал бүгін Мүфтият мәлімдеме жасап отыр, деп хабарлайды aqshamnews.kz.
Намаз оқу үшін жолды жауып, басқа адамдарға зиян тигізу дұрыс емес. Сондықтан дұғаға ертерек келуді және оны тек арнайы белгіленген орындарды жасауды, тиісінше жолдарды бөгемеуді, көлік құралдарын тиісті орындарға қойып, талаптар мен тәртіпті қатаң сақтауды сұраймыз, - делінген ҚМБД мәліметінде.