Сенбі күні еліміздің басым бөлігі циклондық әрекет пен атмосфералық фронттардың ықпалында болады, деп хабарлайды Aqshamnews.kz тілшісі «Қазгидромет» РМК баспасөз қызметіне сілтеп.
Метеорологтардың мәліметінше, солтүстік-батыс өңірлерде жаңбырмен қатар найзағай күтіліп, бұршақ пен қатты жел соғуы мүмкін. Ал оңтүстік, шығыс және оңтүстік-шығыста негізінен жауын-шашынсыз ауа райы сақталады. Республика бойынша жел күшейіп, оңтүстікте шаңды дауыл соғады. Солтүстік пен шығыста түнгі және таңғы уақытта тұман түсуі ықтимал.
Сондай-ақ, Алматы, Ақтөбе, Ұлытау, Жетісу облыстарында, Қарағанды облысының батысы мен солтүстігінде, Ақмола облысының батысы, орталығы және оңтүстігінде, Батыс Қазақстан облысының солтүстігі мен шығысында, Атырау облысының батысында, Қостанай облысының оңтүстігінде, сондай-ақ Шығыс Қазақстанда өрт қаупі жоғары болады.
Төтенше өрт қаупі Түркістан, Қызылорда, Маңғыстау, Атырау, Жамбыл облыстарында, сондай-ақ Батыс Қазақстанның батысында, Алматы облысының батысы, солтүстігі мен оңтүстігінде, Жетісу облысының шығысы мен оңтүстігінде, Қостанайдың оңтүстік-батысында, Қарағандының оңтүстігінде, Ақтөбенің орталығы, шығысы мен оңтүстігінде және Ұлытау облысының шығысында сақталады.
Астана қаласында – ауыспалы бұлтты, жауын-шашынсыз. Жел оңтүстік-шығыстан соғады, күші 9-14, күндіз екпіні 15-20 м/с. Түнде ауа температурасы +13…+15°С, күндіз +25…+27°С.
Алматыда – ауыспалы бұлтты, жауын-шашынсыз. Жел оңтүстік-шығыстан оңтүстік-батысқа ауысады, жылдамдығы 3-8 м/с. Түнде +15…+17°С, күндіз +31…+33°С.
Шымкентте – ауыспалы бұлтты, жауын-шашынсыз. Жел оңтүстік-батыстан 8-13 м/с. Түнде +16…+18°С, күндіз +34…+36°С.