Ішкі істер министрлігі "Заң мен тәртіп" жаңа цифрлық сервисті іске қосты, деп хабарлайды aqshamnews.kz
Бұл жайлы бүгін ҚР ІІМ-нің баспасөз қызметі мәлімдеді.
Жеке батырманы Egov Mobile қосымшасында табуға болады.
"Оны басқан сәтте полицияға шағым жолдау терезесі ашылады. Енді кез келген құқық бұзушылық, тұрмыстық зорлық-зомбылық, жол-көлік оқиғасы, балаға қатысты оқыс оқиға немесе қоғамдық тәртіптің бұзылуы жөнінде бір ғана батырманы басу арқылы – қоңыраусыз және полиция бөліміне бармай-ақ хабарлауға болады",- делінген ақпаратта.
Полиция хабарламаны жедел қабылдап, бірден әрекет ететіндігі атап өтілді.