Бахрейннің Манама қаласында өткен WTT Youth Contender турнирінде Қазақстан құрамасы үлкен жетістікке қол жеткізді. Ел спортшылары үш медальге ие болды, - деп хабарлайды Aqshamnews.kz.
ҚР ҰОК мәліметінше, U11 жас санатындағы қыздар арасындағы жекелей сайыста Адель Вебер күміс жүлдені жеңіп алды. Ал U19 жас санатында аралас жұптық жарыста қазақстандық спортшылар Қадырғали Қабдылуахитов пен Нұрислам Қасым қола жүлдеге ие болды.
Қабдылуахитов жарыста Қытайлық Тайбэй құрамынан У Ин Сюаньмен, ал Қасым Пэе Ю-Ханмен жұптасып өнер көрсетті. Бұл нәтижелер Қазақстанның жас спортшыларының халықаралық деңгейдегі бәсекеге қабілеттілігін тағы бір дәлелдеді.