Қазақстандық боксшы Милана Иншина жасөспірімдер арасындағы Азия чемпионатының жартылай финалына жолдама алып, кем дегенде қола медаль иеленіп отыр, деп хабарлайды Aqshamnews.kz тілшісі.
46 келіге дейінгі салмақ дәрежесінде өнер көрсететін Милана Иншина ширек финалда вьетнамдық Зи Нгок Ха Лунмен қолғап түйістірді.
Жекпе-жек үшінші раундқа дейін жалғасып, төреші кездесуді мерзімінен бұрын тоқтатты. Нәтижесінде қазақстандық боксшы техникалық нокаутпен жеңіске жетті.
Осылайша, Милана Иншина Азия чемпионатының жартылай финалына шығып, өз қоржынына кем дегенде қола медальді жазды.
Айта кетейік, 15 және 17 жасқа дейінгі спортшылар арасындағы бокстан Азия чемпионаты Өзбекстанның Ташкент қаласында өтіп жатыр. Байрақты бәсеке 15 мамырға дейін жалғасады.