Магнит дауылы адамдарға түрлі әсер етеді.
Магнит дауылы 26 желтоқсан дүйсенбіден 29 желтоқсан бейсенбіге дейін созылады, деп хабарлайды Almaty-akshamy.kz
26-28-і күндері белсенділік жоғары, ал 29 желтоқсанда дауыл әлсірейді.
Магнит дауылы күнтізбесі бойынша, бір тәулік үзілістен кейін Күннің белсенділігі қайтадан күшейеді - жексенбі, 31 желтоқсанда әлсіз магнит дауылы болжанды. Магнит дауылы адамдарға түрлі әсер етеді. Ауа-райына сезімтал, созылмалы аурулары барлар және қарт адамдар оның әсеріне сезімтал келеді.
Магнит дауылының жиі кездесетін белгілері: бас ауруы, бас айналу, жүрек айнуы мен құсу, қан қысымының жоғарылауы, жүрек пен буындардың ауыруы, шаршау, ұйқысыздық.
Магнит дауылына қалай дайындалу керек?
Магнит дауылы қарсаңында артық жұмыс істемей, күніне кем дегенде бір сағат таза ауада болған дұрыс. Жеңіл тамақ ішіп, темекі шегуді, алкогольді ішуді шектеу керек. Ұйқыңыз жеткілікті болсын. Таңертең жеңіл жаттығу жасаңыз. Созылмалы аурулары бар адамдар қажет дәрі-дәрмегін алып қоюы керек.
Дауылдың жағымсыз әсерінен қалай қорғануға болады
Дауылдың ағзаға кері әсерін азайту үшін қарқынды физикалық белсенділікті шектеңіз, көбірек демалыңыз, таза ауада серуендеп, жақсы ұйықтаңыз. Дұрыс тамақтану қажет: балық, көкөніс, жарма, көбірек су.
Магнит дауылы кезінде не істеуге болмайды?
Кофе, алкоголь, темекі шегуден бас тартыңыз. Стресске берілмеңіз, жанжалды жағдайлардан аулақ болыңыз. Зейін мен назар аударуды қажет ететін жұмысты қабылдамаңыз. Көлік жүргізуді шектеңіз.