Қазақстанда шетелдік студенттер саны ұдайы өсіп келеді. 2024/2025 оқу жылында елімізде 28,5 мың шетелдік студент білім алуда, бұл өткен жылмен салыстырғанда 12,8%-ға көп. Бұл көрсеткіш Қазақстанның жоғары оқу орындарының халықаралық деңгейде танылып, білім беру жүйесінің тартымдылығын арттыруда, деп хабарлайды aqshamnews.kz
Шетелдік студенттердің құрамында түрлі елдерден келген жастар бар. Олардың жартысынан көбі алыс шетелдерден келгендер, ең көп саны – 9,3 мың адам, олар Индиядан. Ал, ТМД елдерінен келген студенттер саны шамамен жартысын құрайды. Екінші орында – Өзбекстан азаматтары (4,6 мың адам), үшінші орында – Түркіменстаннан келгендер (4,4 мың адам).
Қазақстанның жоғары оқу орындарындағы жалпы студенттер саны да өсуде. 2024/2025 оқу жылында еліміздің жоғары оқу орындарында 624,5 мың студент білім алуда, бұл өткен жылмен салыстырғанда 5,4%-ға көп. Алматы қаласы еліміздегі басты білім беру орталығы болып қалыптасып келеді, мұнда студенттердің үштен бірі білім алуда – 202 мыңнан астам студент. Алматы университеттерінің үлесі жыл сайын артып келеді: 2019 жылы ол 26,9%-ды құраса, қазіргі таңда 32,3%-ға жеткен.
Алдағы уақытта Алматы мен оның айналасындағы жаңа «ақылды» мегаполис Алатау аймағы білім беру хабына айналуы мүмкін. Бұл тек білім беру саласында ғана емес, жалпы экономика мен инфрақұрылымның дамуына да оң әсерін тигізеді. Шетелдік студенттер еліміздің экономикалық дамуында маңызды рөл атқарады. Олар білім алу барысында еліміздің экономикасына инвестициялар әкеледі, сондай-ақ университеттер айналасында қалыптасатын экожүйе арқылы сауда, мәдениет және туризм салалары дамиды.
Бұл үрдіс Қазақстанның халықаралық білім беру нарығында маңызды орын алуына ықпал етеді және болашақта жаңа экономикалық өсу нүктелерінің бірі болуы мүмкін.