Кезекте тұрғандар жалдау ақысын толық төлегеннен кейін тұрғын үй иесі атанады.
Индустрия және инфрақұрылымдық даму министрлігі сатып алу құқығымен жалға берілетін тұрғын үй механизмін енгізумен айналысып жатыр, деп хабарлайды Almaty-akshamy.kz
Индустрия және инфрақұрылымдық даму министрлігінің баспасөз қызметі ведомствоның сатып алу құқығымен жалға берілетін тұрғын үй механизмін енгізу бойынша жұмыс жүргізіп жатқанын мәлімдеді.
«Кезекте тұрған адамның өтініші бойынша сатып алу арқылы жалға алуға көшу немесе қазіргі шарттар бойынша сатып алусыз жалға берілетін тұрғын үйде тұру ұсынылады. Сатып алу арқылы жалға алу шартына ауысқан кезекте тұрғандар үшін бастапқы жарнасыз сатып алу ұсынылады. Осылайша кезекте тұрғандар тұрғын үй жағдайын нашарлатпай, жалдау ақысын толық төлегеннен кейін тұрғын үй иесі атануға нақты мүмкіндік алады», - деп мәлімдеді Индустрия және инфрақұрылымдық даму министрлігінің баспасөз қызметі.
Министрлік бұл жағдайда тұрғын үй жеке құрылыс салушылардан жайлы өмір сүру жағдайларының заманауи критерийлеріне сәйкес келетін нарықтық бағамен сатып алынатынын айтты.