Бәсекелестікті қорғау және дамыту агенттігі зерттеу жүргізіп, құс еті өндірісі артса да, импорттың әлі де нарықтың үштен бірін құрайтынын анықтады. Мұның себебі, фермерлер тек 66%-дық сұранысты қамтамасыз етіп, қалған 34%-ы шетелден әкелінеді, деп хабарлайды aqshamnews.kz
Негізгі себеп — қазақстандық өндірістің жоғары өзіндік құны. Шығындардың көбі жемшөпке кетеді, ал оның бағасы сыртқы нарықтарға тәуелді. Алайда импорттаушылар арасында да жағдай оңай емес — нарықта ірі өндірушілер ғана басым, ал кіші кәсіпкерлер нарықтан сырт қалуда.
«90% квоталар бұрыннан айналысып жүрген жеткізушілерге тиесілі. Ал жаңадан кәсіп бастаған қатысушыларға тек 10%-ы беріледі. Бұл бәсекелестікті шектеп, жаңа өндірушілердің нарыққа шығуына кедергі жасайды», — деп түсіндірді Бәсекелестікті қорғау және дамыту агенттігі.
Бұл жағдайды Шығыс Қазақстан және Ұлытау облыстарындағы отандық көтерме жеткізушілер де пайдаланды. Кейбір компаниялар өңірлер арасында қайта сатуды шектеп, әртүрлі бағаларды белгіледі. Әрине, бұл бағаға өзіндік әсерін тигізетіні анық. Сонымен қатар, Астана мен Маңғыстау облысында сауда үстемелері 15%-ға дейін көтерілгені байқалды. Сауда министрлігі жағдайды тексеруге міндетті болды.
«Біз тиісті органдарға жүйелі шараларды қабылдауды ұсындық. Олардың ішінде — субсидияларды хабарлау процесін автоматтандыру, оларды бөлудің критерийлерін қайта қарау, нарық қатысушыларына қатысты кемсітуді жою және уақытылы мемлекеттік қолдау көрсету», — деп түсіндірді агенттік.
Алайда, монополистер нарықты әлі де бақылап отыр. Сәйкесінше сауда желілері өз пайдасын көру үшін бағаны көтеруге мәжбүр. Салдарын ел тұрғындары көріп отыр.