2024 жылы Мүгедектігі бар адамдардың құқығын қамтамасыз ету және тұрмыс жағдайларын жақсарту жөніндегі 2019 жылы басталған ұлттық жоспарды іске асыру аяқталды. Құжат 10 бағыт бойынша 95 іс-шараны қамтыды, деп хабарлайды aqshamnews.kz
Оңалтудың техникалық құралдарының инновациялық фабрикасы іске қосылды, оның шеңберінде төрт пилоттық өңірден келген балалар қымбат техникалық құралдарға қол жеткізді. Сонымен қатар 22 мыңнан астам нысан бейімделді, бұл мүгедектігі бар жандар үшін инфрақұрылымға қол жеткізуді едәуір жақсартты.2024 жылы 2030 жылға дейін жұмыс істейтін Инклюзивті саясат тұжырымдамасының жобасы жасалды. Ол мүгедектігі бар адамдардың құқығын іске асыруды және олардың қоғамға толыққанды интеграциялануын қамтамасыз ете отырып, мүгедектіктің медициналық-әлеуметтік моделінен әлеуметтік-құқық қорғау моделіне көшу үшін жағдай жасауға бағытталған.
