Қазақстанда медициналық қателіктерден зардап шеккен азаматтар денсаулығына келген зиян үшін сақтандыру төлемдерін ала алады. Енді медициналық ұйымдар мен жеке дәрігерлер өздерінің кәсіби қызметін сақтандыруға міндетті болады, деп хабарлайды aqshamnews.kz.
Медициналық қателік салдарынан келтірілген зиянды анықтау үшін пациент немесе оның жақын туыстары денсаулық сақтау субъектісіне арыз беруі тиіс. Алдымен тәуелсіз сарапшылар комиссиясы шешім қабылдайды. Комиссия құрамына сала мамандары, кәсіби медициналық қауымдастықтардың өкілдері және сақтандыру ұйымдарының сарапшылары кіреді.
Сақтандыру төлемдерінің ең төменгі мөлшерлері келесідей болады: егер пациентке үшінші, екінші немесе бірінші топтағы мүгедектік белгіленсе, төлемдер 500, 600 және 800 айлық есептік көрсеткішке тең, бұл шамамен 1,8 млн, 2,2 млн және 2,9 млн теңге болады. Ал мүгедек балаға төленетін төлем 500 АЕК (1,8 млн теңге) құрайды. Өлім жағдайында төлем 3 000 АЕК (шамамен 11 млн теңге) дейін жетеді. Мүгедектік анықталмаған жағдайда, денсаулыққа зиян келтіруге байланысты төлем 300 АЕК-ке дейін (1,1 млн теңге) болады.