Экспорттауға толық тыйым болмайды.
Қазақстанның Ауыл шаруашылығы министрлігі екі ай мерзімге бидай (1 млн тонна) мен ұн (300 мың тонна) экспортына квота енгізу позициясында қалып отыр. АШМ басшысы Ербол Қарашөкеев республикада астықтың жеткілікті қоры бар екенін тағы да растады, деп хаарлайды Almaty-akshamy.kz Eldala.kz сілтеме жасап.
«Ұн тартушылар мен ауыл шаруашылығы өндірушілері астықтың қандай бағамен сатылатыны және ұн тартатын кәсіпорындар оны қандай бағамен сатып алатыны туралы келісе алмауда. Бұл көлемнің негізгі бөлігі - 80% экспортқа кетеді. Бұл жерде АШМ төреші қызметін атқарады, біз ешкімнің жағына тұрмаймыз. Олардың әрқайсысы өз бизнесін жүргізуде», - деді Ербол Қарашөкеев. Оның сөзін Премьер-Министрдің баспасөз қызметі дәйектендіреді.
Министр ұн тартушылардың астық тапшылығы туралы және жақын арада диірмендер тоқтауы мүмкін деген мәлімдемесіне осылай түсініктеме берді.
Ауыл шаруашылығы министрлігінің деректері бойынша, қазіргі уақытта Қазақстанда астық қоры 6,4 млн тоннаны құраса, ұн 100 мың тоннадан астам. Соңғы уақытта қазақстандық астыққа сұраныс күрт өсті және дүрбелеңге жол бермеу үшін сандық шектеулер енгізілуде. Бұл ретте, Қарашөкеевтің пікірінше, белгіленген квоталар «нарықтарды жоғалтпау үшін жеткілікті».
«Ұн бағасы тұрақты, өсіп жатқан жоқ. Осыған байланысты біз дау-дамайлар қазақстандықтардың мүдделеріне нұқсан келтірмейінше, дәл сол сәтке дейін қадағалайтын боламыз. Қазіргі уақытта жалпы бағаны таба алмайтын ұн тартушылар мен өндірушілердің жағдайына қатысты толқудың ешқандай қатысы жоқ. Ұн бағасы тұрақты. Сонымен қатар, біз арзандатылған әлеуметтік нанды нарыққа жеткізу үшін арзандатылған бидайды да жеткіземіз... Бұл қақтығыс ішіндегі бағаға әсер етпейді. Оның үстіне, халықтың әлеуметтік осал топтары үшін бұл бағаны ұстап тұрудың тиімді құралдары бар», — деді Ербол Қарашөкеев.