"Самұрық-Қазына" қоры Мемлекет басшысы Қасым-Жомарт Тоқаевқа жаңа жасанды интеллект жүйесін – SKAI (Samruk-Kazyna Artificial Intelligence) таныстырды, - деп хабарлайды aqshamnews.kz тілшісі.
Бұл туралы "Самұрық-Қазына" қорының баспасөз қызметінің басшысы Кирилл Волков мәлімдеді.
SKAI Қордың Директорлар кеңесіне дауыс беру құқығына ие цифрлық тәуелсіз мүше ретінде қосылды. Бұл – өңірдегі ең алғашқы тәжірибе.
Жаңа жүйенің таныстырылымы Астанада өткен халықаралық Digital Bridge форумында өтті. SKAI-дың негізгі мақсаты – корпоратив басқарудың ашық болуын қаматамасыз ету мен сапасын арттыру.
Нейрожүйе 2008 жылдан бергі Директорлар кеңесінің шешімдерін, ішкі және сыртқы құжаттарды, Қор жинақтаған барлық материалды талдай алады.
"Қауіпсіздікке ерекше мән берілген: SKAI деректерді ел аумағынан шығармай, "Қазақтелекомның" Al Farabium атты екінші қазақстандық суперкомпьютерінде жұмыс істейді. Бұл – талдаудың жылдамдығы мен сенімділігін қамтамасыз етеді. Жүйенің негізіне қазақстандық Alem LLM тілдік моделі алынған", - деді Волков.