«Қазақстанның Автокөлік Одағы» (ҚАО) 2025 жылдың қорытындысын жариялады. Өткен жылы елде 234 852 автомобиль сатылып, бұл көрсеткіш 2024 жылмен салыстырғанда 14,4%-ға артты, - деп хабарлайды Aqshamnews.kz тілшісі.
ҚАО деректеріне сәйкес, ең танымал ТОП-10 автокөлік моделінің барлығы Қазақстанда өндірілген. Бұл отандық автонарықтың дамып келе жатқанын көрсетеді.
Сатылым көлемі бойынша көшбасшылықты Hyundai маркасы сақтап қалды – 50 868 автомобиль (+15,4%). Екінші орында Chevrolet – 38 880 автомобиль (+25,7%), ал үшінші орында Kia – 23 402 автомобиль (+1,5%).
Одан кейінгі орындарда:
-
Chery – 14 570 автомобиль (–2,1%),
-
Jetour – 14 507 (+52,6%),
-
Haval – 11 688 (+6,4%),
-
Toyota – 11 338 (+2,7%) орналасқан.
Нарықтағы барлық сатылымның 80%-ы ірі он автокомпанияның үлесіне тиесілі. Ал қытайлық маркалардың нарықтағы үлесі өткен жылғы деңгейде сақталып, 39% болды.
Сонымен қатар, ең танымал үш модельдің көшбасшылары өзгерген жоқ. 2025 жылы қазақстандықтар ең көп таңдаған автокөліктер:
-
Chevrolet Cobalt – 31 802,
-
Hyundai Tucson – 20 697,
-
Kia Sportage – 10 988.
Айта кетейік, бұл көрсеткіштер елдегі автонарықтың тұрақты өсімін және отандық өндірістің маңызын айқындайды.