«Қазақстан темір жолы» ұлттық компаниясы теміржол саласында жасанды интеллектіні тестілеу, апробациялау және ең үздік әзірлемелерді енгізу мақсатында цифрлық полигондар құруды бастайды. Бұл туралы Digital Almaty 2025 халықаралық форумында белгілі болды, деп хабарлайды aqshamnews.kz.
IDC вице-президенті Андрей Беклемишев «AI бойынша жаһандық коалиция: серіктестік пен даму векторы» сессиясында жасанды интеллект нарығындағы жаһандық трендтермен бөлісті. IDC деректері бойынша, жасанды интеллект технологияларына жаһандық шығындар жыл сайын орта есеппен 30%-дан астам өсіп келеді, ал GenAI нарығы өткен жылы екі еседен көп ұлғайған. Компания сарапшылары 2028 жылға қарай жасанды интеллект технологияларына жалпы шығындар 620 миллиард АҚШ долларынан асатындығын болжап отыр.
Андрей Беклемишев Қазақстанда жасанды интеллектінің сәтті қолданылуы туралы бірнеше мысал келтіріп, «Қазақстан темір жолы» компаниясының цифрлық полигондар құру жөніндегі бастамасын атап өтті.