Қазақстан Тәуелсіздігінің 35 жылдығы қарсаңында АҚШ Президенті Дональд Трамп Тоқаевқа құттықтау хат жолдады, деп хабарлайды aqshamnews.kz тілшісі.
"Құрметті Президент мырза!
Қазақстан Тәуелсіздігінің 35 жылдығы қарсаңында жылы лебізімді қабыл алыңыз!
Миллиондаған қазақстандық Астанада және елдің түкпір-түкпірінде 1991 жылы республика Тәуелсіздігі жарияланғаннан бері көздің қарашығындай сақтап, еселей түскен бай мәдениетін, тарихи мұрасын және қайталанбас келбетін ерекше мақтанышпен паш етеді.
Мемлекеттеріміз арасындағы Кеңейтілген стратегиялық серіктестікті жоғары бағалаймын және мен президенттік лауазымды атқарған екі мерзімде қалыптасқан берік байланысты одан әрі нығайтамыз деп сенемін.
Қазақстан халқының бағына орай, Сіз сияқты тегеурінді әрі батыл көшбасшысы бар. Осы қуанышты сәтті сіздермен бөлісу – мен үшін зор мәртебе", – делінген құттықтау хатта.
Айта кетейік, құттықтау хатты АҚШ Президентінің Оңтүстік және Орталық Азия бойынша арнайы өкілі Серджио Гор табыстады.
Мемлекет басшысы Қасым-Жомарт Тоқаев жылы лебізі үшін АҚШ Президентіне алғыс айтып, Америка көшбасшысын Қазақстанға сапармен келуге шақыратынын растады.