Қазақстан Республикасы мен Өзбекстан Республикасы арасындағы мемлекеттік шекараны демаркациялау туралы келісім БҰҰ-ның Жарғысының 102-бабына сәйкес, БҰҰ хатшылығында тіркелу және жариялану үшін құжаттар тапсырылды. Бұл туралы Қазақстанның Сыртқы істер министрлігі мәлімдеді, деп хабарлайды aqshamnews.kz
Қос мемлекеттің президенттері аталған келісімге 2022 жылдың желтоқсан айында Қазақстан Президентінің Ташкентке ресми сапары барысында қол қойған болатын. Келісім 2023 жылдың 4 шілдесінде күшіне енді.
2023 жылғы 25 қыркүйекте Нью-Йоркте өткен БҰҰ Бас Ассамблеясы сессиясы аясындағы кездесуде екі елдің сыртқы істер министрлері бұл келісімді БҰҰ-да тіркеудің Орталық Азия өңіріндегі мұндай құжаттар бойынша бұрын-соңды болмаған тәжірибе екенін атап өтті.