Құжат Президентке қол қоюға жіберілді.
Сенат депутаттары 16 мамырда пленарлық отырыста Қазақстан мен Қытай Халық Республикасы арасындағы азаматтық және қылмыстық істер бойынша құқықтық көмек көрсету туралы шартты ратификациялады, деп хабарлайды Almaty-akshamy.kz
Заңның мақсаты – Қазақстан мен Қытайдың азаматтары мен заңды тұлғаларының құқықтарын қорғаудың тиімділігін арттыру, сондай-ақ азаматтық және қылмыстық істер бойынша құқықтық көмек көрсету.
"Заңның міндеті Мемлекет басшысының Қытай Халық Республикасына сапары барысында 2023 жылғы 17 мамырда Сиань қаласында Қазақстан Республикасы мен Қытай Халық Республикасының Сыртқы істер министрлері қол қойған хаттаманы ратификациялау болып табылады", – делінген Конституциялық заңнамада.
Сенаттың тұрақты комитеттерінде заң бойынша ескертулер мен ұсыныстар жоқ.
«Заңның күтілетін нәтижелері Қазақстан мен Қытайдың азаматтары мен заңды тұлғаларының құқықтарын қорғауға бағытталған Азаматтық және қылмыстық істер бойынша құқықтық көмек көрсету саласындағы екіжақты ынтымақтастықты одан әрі нығайту болып табылады. Хаттаманы ратификациялау кезінде оны іске асыру теріс әлеуметтік-экономикалық және құқықтық салдарға әкеп соқпайды, сондай-ақ мемлекеттік бюджеттен қосымша қаржылық шығындарды талап етпейді», - делінген қорытындыда.