Варшава – Нұр-Сұлтан – Варшава бағытындағы алғашқы рейс 10 маусымнан басталмақ.
Варшава және Нұр-Сұлтан қалалары арасындағы рейстерді Польшаның LOT Polish Airlines әуе компаниясы қайта жаңғыртып, аптасына 1 рейспен ұшыруды жоспарлап отыр, деп хабарлайды Almaty-akshamy.kz ҚР ИИДМ-ның баспасөөз қызметіне сілтеме жасап.
Екі ел астаналары арасындағы рейстерді аптаның дүйсенбі күндері B–737 әуе кемесі жүзеге асырады.
Мұндай шешімді Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссия 2021 жылғы 28 мамырда қабылдады.
Қазақстан мен Польша арасындағы рейстер санын ұлғайту туралы шешім эпидемиологиялық жағдайға және ведомствоаралық комиссияның тиісті шешімдеріне байланысты қабылданады.
Рейстер санитарлық-эпидемиологиялық талаптарды қатаң сақтай отырып және әуе компаниясының сайтында жарияланған кестеге сәйкес орындалады.