Қазақстандық музыка Instagram-да қолжетімсіз болып қалуының себебі — Meta (Instagram, Facebook, WhatsApp иесі) мен «ҚазАҚ» арасындағы келісімнің аяқталуы, деп хабарлайды aqshamnews.kz
«ҚазАҚ» — қазақстандық авторлық құқықтарды басқарумен айналысатын ұйым. Бұған дейін Meta мен «ҚазАҚ» арасында келісім болған, оған сәйкес Instagram қазақстандық орындаушылардың музыкасын пайдалану үшін роялти төлеген. Алайда, «ҚазАҚ» төлем көлеміне қанағаттанбай, оны ұлғайтуды талап еткен, бірақ екі тарап келісімге келе алмады.
Осылайша, келісімшарт мерзімі аяқталып, жаңартылмағандықтан, Meta қазақстандық музыка, соның ішінде танымал әншілердің шығармаларын платформада өшіруге мәжбүр болды. Бұл жағдай көп қолданушының наразылығын тудырып, қазақстандық музыканы Instagram-да тыңдай алмайтын болып қалды. Қашан жаңа келісім жасалып, мәселе шешілетіні әлі белгісіз. Сондықтан, қазақстандық музыка сүйер қауым қазіргі уақытта басқа платформалар арқылы тыңдауға мәжбүр.