Осы мақсатта 212 каналды цифрландыру қажет.
Қазақстан Үкіметі алдағы бес жылда ұзындығы 3,3 мың км болатын 212 каналды цифрландырып, 2,2 текше метр суды үнемдеуді көздеп отыр, деп хабарлайды Almaty-akshamy.kz.
Қазақстанның Экология, геология және табиғи ресурстар министрі Мағзұм Мырзағалиевтың айтуынша, өткен жылы Түркістан облысындағы «К-19» магистралды каналын цифрландыру бойынша бірінші жоба сәтті жүзеге асырылды. Нәтижесінде 45 пайызға көбірек су жұмсалатыны анықталған.
Суды үнемдеу мақсатында министрлік су үнемдеу технологиялары қолданылатын аумақты 2025 жылға қарай 750 мың гектарға дейін жеткізуді ұсынды.
«Бүгінгі таңда арналардың 60%-ы нашар жағдайда. Бұл суды тасымалдау кезінде орын алатын жоғары шығынның негізгі себебі», – делінген аталмыш министрліктің баспасөз қызметінің хабарламасында.
Осыған байланысты 5 жыл ішінде ұзындығы шамамен 2,3 мың км болатын тағы 120 арнаны қайта жаңарту жоспарланып отыр.
«Арналарды қалпына келтіру жұмыстары тұрақты түрде жүргізілуде. Мәселен, 2019-2020 жылдары 1734 км канал жөнделіп, 111,5 гектар суармалы жер айналымға енгізілді. Биылғы жылдың соңына дейін 1050 шақырым каналдарды қайта жаңғырту жоспарланып отыр. Бұл 78 мың гектар суармалы жерді айналымға енгізуге мүмкіндік береді», - деді Мағзұм Мырзағалиев.