Мемлекет басшысы Қасым-Жомарт Тоқаевтың қатысумен Астана халықаралық форумы өтіп жатыр.
Президент Қазақстанның көпжақты ынтымақтастыққа негізделген брендін сөз етті, деп хабарлайды Almaty-akshamy.kz.
«Қазақстан бұрыннан Шығыс пен Батыстың, Солтүстік пен Оңтүстіктің арасындағы алтын көпір саналады. Көп жағдайда бұл форум ұлы Еуразия даласының мәдениетіне, тарихына сай келеді. Біз осынау мұрамызды мақтан тұтамыз. Дәл осы үздіксіз тауар, мәдени жетістіктеріміз бен идея алмасу арқылы Қазақстанның өзіндік ұлттық бірегейлігі және оның ерекше көпжақты ынтымақтастыққа негізделген бренді қалыптасты», - деді Қасым-Жомарт Тоқаев.
Президент геосаяси қиындықтарға қарамастан, Қазақстан Орталық Азияда да экономикалық локомотив қызметін атқарып отырғанын айтты.
«Біз шетелден кең көлемде инвестиция тартуды жалғастырамыз және Қазақстанда бизнес жүргізу үшін барынша жағдай жасаймыз», - деді Мемлекет басшысы.