Қазақ боксшысы Құралай Егiнбайқызы Тайландтың Бангкок қаласында өткен бокстан жастар арасындағы (U-19) Азия чемпионатында алтын медаль иеленді, деп хабарлайды Aqshamnews.kz.
80 келіге дейінгі салмақ дәрежесінде финалда ол үндістандық Критика Васанды төрешілердің бөлек шешімімен жеңді. Бұл – Қазақстан құрамасының аталған турнирдегі алғашқы алтын медалі.
Финалға дейін Құралай жартылай финалда өзбекстандық Рухшона Парпиеваны айқын басымдықпен ұтқан болатын.
Ал тағы бір қазақстандық спортшы Аяжан Ермек 57 келіге дейінгі салмақта финалда үндістандық Мусканға төрешілердің шешімімен жол беріп, күміс жүлдеге қол жеткізді.