Бас прокуратура және ІІМ Интерполдың Ұлттық орталық бюросының қызметкерлері Қазақстанның Грузиядағы Елшілігінің қолдауымен аталған елден Қазақстан азаматын экстрадициялады, – деп хабарлайды aqshamnews.kz тілшісі.
Ол экономикалық қызмет саласында бірқатар қасақана ауыр қылмыстар жасағаны үшін қылмыстық жауаптылыққа тарту мақсатында елге жеткізілді.
Тергеу барысында күдіктінің ұйымдасқан топ құрамында бола отырып, 2019–2021 жылдар аралығында Қазақстанның әртүрлі өңірлерінде қаржы пирамидасының құрылымдарын басқарғаны анықталды. Қылмыстық топ мүшелерінің заңсыз әрекеттері нәтижесінде азаматтарға жоғары табыс табуға уәде беру арқылы 10 млрд теңгеден астам қаражат тартылған.
Сыбайлас қатысушылардың бірқатары бұрын сотталған, ал күдікті қылмыс жасағаннан кейін бой тасалап, халықаралық іздеуге жарияланған.
2026 жылғы ақпан айында ол Грузия аумағында ұсталып, елге экстрадицияланды.
Күдікті тергеу изоляторына қамалды.