Жолдаудағы жайлы мектеп жайы көңілден шықты - пікір.
Мемлекет басшысының Жолдауы халық арасында кеңінен талқыланып, жақсы пікірлер мен қолдауларға ие болуда. Әсіресе, адам капиталы, балалардың болашағы үшін жасалуы тиіс деп атап көрсетілген міндеттер көпшіліктің көңілінен шыққан.
«Жолдауда еліміздің, ұлтымыздың дамуы үшін маңызды, негізгі бес бағыт-бағдар бойынша жұмыс істеу керектігін көрсетті. Екі жасқа толған балалардың барлығы балабақшада тәрбиеленуі керек, балабақша салу мәселесін көтеру және сол балабақшада тәрбие беретін тәрбиешілердің жұмысын аттестациялау, кәсіби жағынан сай болу қажеттілігі айтылды. Одан кейінгі кезекте жайлы мектеп мәселесі ұнады. Себебі қазіргі таңда бізде үш ауысымды мектептер бар. Бұл, әрине, білім сапасына әсер етеді. Яғни қалалық жерлер мен ауылдық жерлердегі білім сапасы бірдей болу қажеттігі бізге ұнады. Біз қолдаймыз. Осындай Жолдаулардың көп болғанын қалаймыз», - деді ҚазҰПУ Жаратылыстану институты директорының орынбасары Дариға Батаева.