Алматының Орталық стадионына жиналған футболсүйер қауымның алдында әнші Төреғали Төреәлі қазақ футболының мақтанышы Дастан Сәтбаевқа арнайы шығарған жаңа әнін тарту етті, – деп хабарлайды aqshamnews.kz тілшісі.
«Қайрат» пен «Қызылжар» арасындағы кездесудің үзілісінде, дәл жасыл алаңның ортасында сиясы кеппеген туындының тұсауы кесілді.
Ән басталған сәттен-ақ стадионға жиналған мыңдаған жанкүйердің делебесі қозды. Әсіресе, Алматы қаласы мен Дастан Сәтбаевтың тұлғасын ұлықтайтын мына жолдар жүрекке жылы тиді:
«Алтын күн аспаны, алтын дән даласы,
Айбыныңды асырған Алматы қаласы.
Қайраттың Дастаны, Қазақтың баласы…
Бұдан бөлек, әнші «Қайрат» жанкүйерлерінің әнұранына айналған «Алматы ең алғашқы махаббатым» әнін де орындады.