Оған себеп - бірер күн бұрын алматылық команда қақпашысы Лео Игитаның басының дауға қалуы.
Әлеуметтік желіде оның автобусқа барар жолда футзал командаларының эмблемасын аяғымен басып өткен видеосы тарады, деп хабарлайды Almaty-akshamy.kz 24.kz-ке сілтеме жасап.
Бұл жағдай әсіресе «Ақтөбе» мен «Астана» клубы жанкүйерлерінің ашуын туғызды. Олар Игитаның әрекетін қатты сынға алып, федерация басшылығынан жазалауды талап еткен еді. Осыны негізге алған Қазақстан футбол федерациясы Әдеп жөніндегі комитетінің отырысын өткізіп, «Қайрат» клубына 500 айлық есепетік көрсеткіш көлемінде айыппұл салды. Бұл шамамен 1 миллион 846 мың теңгені құрайды.
Ал клубтың бас директорына ескерту түрінде тәртіптік жаза қолданылды. Бұған қоса ол аталмыш жағдайдың бастамашыларын тауып, түсіндіру жұмысын жүргізуге міндеттелді. Айта кетейік, Лео Игитаның өзі сол жағдайдан көп ұзамай арнайы жазба жариялап, ресми кешірім сұраған болатын.