Мемлекет басшысының өкімімен Ақан Ақасұлы Рахметуллин Қазақстан Республикасының Сыртқы істер министрінің бірінші орынбасары лауазымынан босатылды, деп хабарлайды Aqshamnews.kz Ақорданың хабарламасына сілтеме жасап.
"Мемлекет басшысының өкімімен Ақан Ақасұлы Рахметуллин Қазақстан Республикасы Сыртқы істер министрінің бірінші орынбасары лауазымынан босатылды", - делінген хабарламада.
Еске салайық, Ақан Рахметуллин 2024 жылдың мамырында СІМ басшысының бірінші орынбасары болып тағайындалған еді.
Президенттің басқа өкімімен Ержан Ашықбаев Сыртқы істер министрінің бірінші орынбасары болып тағайындалды.
Ержан Ашықбаев 1974 жылғы 16 маусымда Алматы қаласында дүниеге келген. Әл-Фараби атындағы Қазақ ұлттық университетін, Кеннеди атындағы Мемлекеттік басқару мектебін және Гарвард университетін тәмамдаған. Халықаралық қатынастар саласының маманы, мемлекеттік басқару магистрі.
Дипломатиялық қызметін 1998 жылы Төртінші департаменттің Азия, Таяу Шығыс және Африка басқармасының референті ретінде бастаған. Сыртқы істер министрлігінің Орталық аппаратында әртүрлі лауазымдарда қызмет атқарды, сондай-ақ Қазақстанның Бельгиядағы елшілігінде іссапарда болды.
2012 жылы Премьер-Министр Кеңсесі басшысының орынбасары, Үкіметтің ресми өкілі қызметтерін атқарды.